dil mein hamare ab koi arman nahin raha

dil mein hamare ab koi arman nahin raha
wo ehtimam-e-gardish-e-dauran nahin raha

pesh-e-nazar wo khusraw-e-khuban nahin raha
meri hayat-e-shauq ka saman nahin raha

samjha raha hun yun dil-e-muztar ko hijr mein
wo kaun hai jo gham se pareshan nahin raha

dekha hai main ne gesu-e-kafir ka mojaza
tar-e-nafas bhi mera musalman nahin raha

ashkon ke sath sath kuchh arman nikal gae
bechainiyon ka dil mein wo tufan nahin raha

ai chaarasaz sai-e-musalsal fuzul hai
tera mariz qabil-e-darman nahin raha

us ki hayat us ke liye maut ai 'aziz'
jis par ki us nigah ka ehsan nahin raha


This is a great musalman sher shayari. True lovers of shayari sai gulam jugni ji will love this. Shayari is the most beautiful way to express yourself and this mariz ki shayari is truly a work of art. Please share if you liked this!!!
2020-05-24 07:28:54 PM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close