dosti mein fasle hote nahin
pyar mein ye tajziye hote nahin

kya zaruri hai ki wo mujrim bhi hon
jin ke haq mein faisle hote nahin

soch kar tum ye talluq todte
tut kar patte hare hote nahin

raushni hoti nahin us bazm mein
jis mein shamil-e-dil jale hote nahin

marke sar hote hain jin ke tufail
un ke akasr tazkire hote nahin

apne to apne hi hote hain faqat
apnon mein achchhe bure hote nahin

un ka dar jata nahin tasir kyun
han wahi jo hadse hote nahin