dua ham-zad ho sakti diya hamraaz ho sakta
main virani pe itna to asar-andaz ho sakta

ye meri khamushi is intiha ki khamushi hoti
kisi bhi sham ka main nuqta-e-aghaz ho sakta

main betabana un galiyon mein phirta ye mera haq tha
meri dastak pe shahr-e-khwab ka dar baz ho sakta

ye din aur raat kis jaanib ude jate hain sadiyon se
kahin rukte to main bhi shamil-e-parwaz ho sakta

kam-az-kam khak-o-khun ki gum-shuda kadiyan hi mil jatin
sar-e-duniya ye dil itna to dar-andaz ho sakta