ek falak aur hi sar par to bana sakte hain

ek falak aur hi sar par to bana sakte hain
kurra-e-arz ko behtar to bana sakte hain

ruh mein jis ne ye dahshat si macha rakkhi hai
us ki taswir guman bhar to bana sakte hain

ashk se khak hui tar yahi bas kafi hai
ek be-jaan sa paikar to bana sakte hain

hum agar ahl nahin ped ke phal khane ke
shakh-e-sarsabz ko khanjar to bana sakte hain

sach hai hum girya-kunan kuchh bhi nahin kar sakte
regzaron ko samundar to bana sakte hain

aatish o nur se bijli ke rahen kyun mahrum
hum sar-e-dasht naya ghar to bana sakte hain

garche parwaz ki quwwat nahin khwahish hai bahut
hum khayalat ko shahpar to bana sakte hain

lala-gun manzar-e-shadab sarabon mein bhi
qulzum-e-khun ho mayassar to bana sakte hain


This is a great guddu ki gun shayari. True lovers of rakhi shayari odia will love this. For some people shayari is the most enjoyable thing in life and they absolutely adore kaifi azmi ki shayari in hindi. Please share if you liked this!!!

Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close