juda karenge na hum dil se hasrat-e-dil ko

juda karenge na hum dil se hasrat-e-dil ko
aziz kyun na rakhen zindagi ke hasil ko

nihan agarche hai mahfil se soz-e-dil mera
magar ye raaz hai malum sham-e-mahfil ko

wo tul khincha bala ka tere taghaful ne
ki sabr aa hi gaya mere muztarib dil ko

kathin hai kaam to himmat se kaam le ai dil
bigad kaam na mushkil samajh ke mushkil ko

wo kaam mera nahin jis ka nek ho anjam
wo rah meri nahin jo gai ho manzil ko

khabar hui na unhen mere muztarib dil ki
ghalat khayal hai ye dil se rah hai dil ko

bala ki hoti hai 'wahshat' ki bhi ghazal-khwani
ki ek surur sa hota hai ahl-e-mahfil ko


Please share if you liked this!!!
2020-06-04 09:54:33 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close