kabhi diwar ko tarse kabhi dar ko tarse
hum hue khana-ba-dosh aise ki ghar ko tarse

jhut bolun to chipak jae zaban talu se
jhut likkhun to mera hath hunar ko tarse

qarya-er-ei-nama-baran ab ke kahan jaen ki jab
tere pahlu mein bhi hum us ki khabar ko tarse

sab ke sab tishna-e-takmil hain is shahr ke log
koi dastar ko tarse koi sar ko tarse

shahr-e-be-mehr mein zinda hain tere bin jaise
dhup ke shahr ka bashinda shajar ko tarse