kabhi mushkil mein jo pad jae zarurat mohsin mujhe mil paegi kya teri himayat mohsin sath deta he shab-e-gham mein kahan saya bhi kya nibhaegi wafa teri mohabbat mohsin wada kar lena hai aasan nibhana mushkil sakht hoti hai bahut rah-e-murawwat mohsin rasta saf ho saya ho hawa thandi ho hum safar aise mein karte hain inayat mohsin zer-e-pa aag ho kante hon na saya na hawa aise aalam mein to mushkil hai rifaqat mohsin waqt ke sath khula karta hai yaadon ka bharam kahan khush-fahm hai 'asra' ki tabiat mohsin