kya puchhte ho mujhko mohabbat mein kya mila

kya puchhte ho mujh ko mohabbat mein kya mila
donon-jahan ka dard ba-nam-e-khuda mila

shayad yahi hai hasil-e-payan-e-arzu
apna pata nahin hai jo un ka pata mila

afsana-e-hayat ki takmil ho gai
jab un ke silsile se mera silsila mila

jab se nahin wo naghma-zan-e-saz-e-zindagi
ek ek tar dil ka mujhe be-sada mila

tum kya mile mizha ke ziya-bar ku-ba-ku
parde mein shab ke subh ka ru-e-safa mila

har aarzu ki ek wahi jaan-e-arzu
har muddaa ka ek wahi muddaa mila

wajh-e-dawam fitrat-e-gham hi nahin faqat
dil bhi azal-taraaz abad-ashna mila

kaisi bahaar mauja-e-kaif-o-nishat kya
pahlu-e-gul na daman-e-baad-e-saba mila

jannat chamak chamak uthi rang-o-jamal ki
kis gul ki aarzu ka sharaf ai 'raza' mila


2020-04-09 03:35:26 PM

Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close