kya qayamat ka hai bazar tere kuche mein bikne aate hain kharidar tere kuche mein tu wo isa hai ki ai nabz-shanas-e-kaunain ibn-e-mariyam bhi hai bimar tere kuche mein izn-e-didar to hai aam magar kya kahiye chashm-e-bina bhi hai be-kar tere kuche mein jis ne dekha ho nazar bhar ke tera husn-e-tamam koi aisa bhi hai ai yar tere kuche mein 'arzu' sa kabhi dekha hai koi kafir-e-ishq yun to hain saikdon din-dar tere kuche mein