main insan-e-naua hun main isa-nafas hun
zamin se tumhaari main phir kal uthunga

main aadam hun be-jaan sa patthar nahin hun
bhanwar sa hun sahra mein pal pal uthunga

hun dariya ka pani ki jab bhi marunga
samundar ki ban ke main halchal uthunga

kabhi ki jo suraj ne wada-khilafi
ye hai mera wada ke main jal uthunga

koi ishq jaise purana ho 'atif'
main mar ke bhi dil mein musalsal uthunga