mitti jab tak nam rahti hai
khushbu taza-dam rahti hai

apni rau mein mast o ghazal-khwan
mauj-e-hawa-e-gham rahti hai

un jhil si gahri aankhon mein
ek lahar si har dam rahti hai

har saz juda kyun hota hai
kyun sangat baham rahti hai

kyun aangan tedha lagta hai
kyun payal barham rahti hai

ab aise sarkash qamat par
kyun tegh-e-mizha kham rahti hai

kyun aap pareshan rahte hain
kyun aankh 'rasa' nam rahti hai