pahad se koi rah utre to main bhi dekhun bulandiyon se nigah utre to main bhi dekhun gunah-karda badan hai us ka to tum bhi dekho salib se be-gunah utre to main bhi dekhun sahe hain basti ne mausamon ke azab kya kya chhaton se aab-o-giyah utre to main bhi dekhun yahan kise ras aai hai rasm-e-khud-numai saron se zauq-e-kulah utre to main bhi dekhun kahan kahan jism dhup se ho gae hain jal-thal nagar mein sham-e-siyah utre to main bhi dekhun