pedon ki ghani chhanw aur chait ki hiddat thi aur aise bhatakne mein anjaan si lazzat thi in kohna fasilon ko pahron hi take jaana in khali jharokon mein jaise koi surat thi hairan si nazron mein ek shakl gurezan si ek saya-e-guzran se wo kaisi mohabbat thi har jumbish-e-lab us ki dastak thi dar-e-dil par har waqf-e-khamoshi mein taqrir ki lazzat thi har din ke guzarne mein har raat ke dhalne mein har chashm-zadan manzil har sans masafat thi