qubul kash meri itni si guzarish ho

qubul kash meri itni si guzarish ho
kisi ke qalb mein nafrat ho aur na ranjish ho

khilenge phul yaqinan khizan mein chahat ke
jo shakh-e-dil pe sanam aap ki nawazish ho

dhuan sa uthta ho jis ke malul chehre se
to phir zaruri hai dil bhi shikar-e-atish ho

hue hain ghair tere apne kyon kabhi socha
tere khilaf ye apnon ki hi na sazish ho

chalo mitaen adawat ki rasm duniya se
wafa pe pahra na chahat pe koi bandish ho

khizan-rasida hai gulshan ye qalb-e-muztar ka
kahin ujad hi na jae khushi ki barish ho

mujhe yaqin hai manzil wo 'sad' paega
ho jis ke dil mein lagan aur sachchi khwahish ho


Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close