sae ko dhup dhup ko saya bana liya
ek lamha-e-visal ne kya kya bana liya

ek shahr-e-na-shanas mein jaane ki der thi
beganagi ne mujh ko tamasha bana liya

aawargan-e-shauq ka raste mein tha hujum
main ne magar hujum mein rasta bana liya

khwabon ki main ne ek imarat banai aur
yaadon ka us mein ek daricha bana liya

itni si baat hai ki use mil nahin saka
us ne badha ke baat ko jhagda bana liya