sham se pahle teri sham na hone dunga
zindagi main tujhe nakaam na hone dunga

udte udte hi bikhar jaen par-o-baal ai kash
tair-e-jaan ko tah-e-dam na hone dunga

bewafa logon mein rahna teri qismat hi sahi
in mein shamil main tera nam na hone dunga

kal bhi chaha tha tujhe aaj bhi chaha hai ki hai
ye khayal aisa jise kham na hone dunga

lagne dunga na hawa tujh ko khizan ki main 'zafar'
phul jaisa tera anjam na hone dunga