teri mahfil bhi mudawa nahin tanhai ka

teri mahfil bhi mudawa nahin tanhai ka
kitna charcha tha teri anjuman-arai ka

dagh-e-dil naqsh hai ek lala-e-sahrai ka
ye asasa hai meri baadiya-paimai ka

jab bhi dekha hai tujhe aalam-e-nau dekha hai
marhala tai na hua teri shanasai ka

wo tere jism ki qausen hon ki mehrab-e-haram
har haqiqat mein mila kham teri angdai ka

ufuq-e-zehn pe chamka tera paiman-e-visal
chand nikla hai mere aalam-e-tanhai ka

bhari duniya mein faqat mujh se nigahen na chura
ishq par bas na chalega teri danai ka

har nai bazm teri yaad ka mahaul bani
main ne ye rang bhi dekha teri yaktai ka

nala aata hai jo lab par to ghazal banta hai
mere fan par bhi hai partaw teri ranai ka


Please share if you liked this!!!
2020-06-07 03:14:54 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close