uruj-e-adam-e-khaki kahan ka qissa hai mahz daraazi-e-kar-e-jahan ka qissa hai siyah raat thi neza-ba-kaf kama-bar-dosh tulu-e-subh lute karwan ka qissa hai husul-e-mal-e-ghanimat ki dastan-e-latif dar-asl wadi-e-ah-o-fughan ka qissa hai ghanim-e-hirs-o-hawas ham-kanar-e-fath-o-zafar zarur ye mere hindostan ka qissa hai wo rang-o-nur ka dariya wo husn-o-hosh-ruba nahin kuchh aur ye urdu zaban ka qissa hai