wahin pe sach ka mujhe tarjuman hona tha qadam qadam pe jahan imtihan hona tha tumhaari yaad ko kab tak saja ke rakhta main kabhi to khali ye dil ka makan hona tha ajib shauq tha us ko bhi haq-nawai ka ganwa ke jaan bhi jag mein mahan hona tha main aur hirs kya karta lapak ke chhune ki mujhe zamin use aasman hona tha hawa ki hukm-uduli se mujh ko hasil kya mere nasib mein jab baadban hona tha