yaadon mein teri ashk bahae ko din hue yaad aa ki ab ye lutf uthae ko din hue muddat hui tu milne na aaya kabhi mujhe mujh ko bhi teri yaad satae ko din hue har subh fikr-e-kar-e-jahan mein khuli hai aankh khwabon mein koi raat bitae ko din hue hae wo mai-kade ke sabhi dil-figar log jin sang koi sham sajae ko din hue taza rafaqaton ke nae zakhm khaiye pichhli adawaten jo ganwae ko din hue aane lage nigah mein is waqt sab ke aib khud se kabhi nazar jo milae ko din hue mahfil ki samt aana pada aakhirash hamein khalwat-kade mein dil jo dukhae ko din hue jab se hua hun aap mein apne se ham-sukhan auron ko apne sher sunae ko din hue