ye kya ki mere yaqin mein zara guman bhi hai

ye kya ki mere yaqin mein zara guman bhi hai
mujhe hai shak ki hai jo kuchh yahan wahan bhi hai

chamak rahi hai jo aaindagan ki rahguzar
kuchh is mein raushni-e-gard-e-raftagan bhi hai

tum is qadar bhi kharaba na jaano dil ko mere
kisi faqir ka is dasht mein makan bhi hai

thahar gai hai kohar si faza-e-mubham mein
sahar ki dhund bhi hai raat ka dhuan bhi hai

hamari khak se zebaish-e-adam hi nahin
hamari khak se rangin ye gulistan bhi hai

jis aaine mein wo qad apna dekhta hai 'shafaq'
us aaine mein to kotah aasman bhi hai


2020-06-04 10:05:39 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close