aap apni naqab hai pyare ye bhi koi hijab hai pyare naqsh-bar-ru-e-ab hai pyare zindagi ek habab hai pyare le ke chal shaikh daftar-e-taqwa aaj roz-e-hisab hai pyare tera husn-o-jamal kya kahna mahtab aaftab hai pyare kaun jata hai dil mein aa aa kar har sukun iztirab hai pyare husn taqwa-shikan sahi lekin ishq khana-kharab hai pyare ek sarapa surur-o-bad-masti aankh kya hai sharab hai pyare mere zauq-e-nazar ki ruswai kis khata ka itab hai pyare is qadar bhi na 'taj' itrana chaar din ka shabab hai pyare