ab to aankh se itna jadu kar leta hun jis ko chahun us ko qabu kar leta hun mere hath mein jab se us ka hath aaya hai khar ko phul aur phul ko khushbu kar leta hun raat ki tanhai mein jab bhi ghar se niklun us ki yaadon ko main jugnu kar leta hun dil ka dariya sahra hone se pahle hi apni har ek khwahish aahu kar leta hun jab bhi dil ki samt 'hasan' badhta hai koi us ke aage apne bazu kar leta hun