ab ye aalam hai ki gham ki bhi khabar hoti nahin ashk bah jate hain lekin aankh tar hoti nahin phir koi kam-bakht kashti nazr-e-tufan ho gai warna sahil par udasi is qadar hoti nahin tera andaz-e-taghaful hai junun mein aaj kal chaak kar leta hun daman aur khabar hoti nahin hae kis aalam mein chhoda hai tumhaare gham ne sath jab qaza bhi zindagi ki chaara-gar hoti nahin rang-e-mahfil chahta hai ek mukammal inqalab chand shamon ke bhadakne se sahar hoti nahin iztirab-e-dil se 'qabil' wo nigah-e-be-niyaz be-khabar malum hoti hai magar hoti nahin