abhi qail hue hi the tumhaari rahnumai ke

abhi qail hue hi the tumhaari rahnumai ke
tabhi anjam dekhe kuchh khudaon ki khudai ke

yun mujh se dur jaane ka safar ye raegan hoga
kabhi wo din na bhulenge teri mujh se rihai ke

dilon se jo nikalti hai mitae se nahin mitti
nahin jate kabhi ye rang dil ki raushnai ke

diye ke ek ishaare par lapak kar jaan dete hain
abhi tewar kahan dekhe hain tum ne parsai ke

koi hira koi moti wo phulon se saja bistar
batao dam kya pae ho apni munh-dikhai ke

banane mein mitane mein zara to waqt lagta hai
abhi din hi hue kitne tumhaari bewafai ke

hamesha kuchh nami baqi bachi rahti hai aankhon mein
kuchh aisa haal hai un ka ki jangal hon tarai ke

miloge khak mein tum bhi to mujh se mil hi jaoge
faqat kuchh sal baqi hain meri tum se judai ke


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close