ai jawanan nau-bahaaran mein qadah-noshi karo
gul-badan saqi seti har shab ham-aghoshi karo

dosti ki rah mein dil kun sard karna khub nain
dam-ba-dam khurshid-ruyan sin garam-joshi karo

muddaa gar hai zuhur-e-qurb apna khalq par
anjuman mein barmala khuban se sargoshi karo

mah-rukhan ke dekhne ka hai agar dil mun talash
aasman san ikhtiyar-e-khana-bardoshi karo

ahl-e-mani mein agar dakhil hone ka shauq hai
harf-e-be-mani sati har waqt khamoshi karo