allah allah ye kya anjuman-arai hai

allah allah ye kya anjuman-arai hai
khud tamasha hai wahi aap tamashai hai

dard ko jis ke taraste hain malak aur falak
shisha-e-dil mein mere wo mai-e-minai hai

aah us tair-e-majbur ki hasrat ko na puchh
jo ye sunta ho qafas mein ki bahaar aai hai

jis ke jalwe ka farishton ne kiya tha sajda
koh-e-faran pe wahi shoala-e-sinai hai

tum jo aa jao to is ishq ka parda rah jae
warna ab zabt hai baqi na shakebai hai

main use khub samajhta hun jo haalat hai meri
han magar dil ko wahi dars-e-shakebai hai

ho jahan murgh-e-takhayyul ki na parwaz-e-rasa
us bulandi pe meri nasiya-farsai hai

hai ye 'saqib' usi ek jalwa-e-rangin ka asar
mere shisha mein jo kuchh baada-e-minai hai


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close