apne hi kisi khwab se bahar nahin nikle wo aks jo talab se bahar nahin nikle hum wasl ki jhilmil se nikal aae the lekin hijran ki tab-o-tab se bahar nahin nikle is shahr ke sahil pe tamasha to dikhata bede mere girdab se bahar nahin nikle marte rahe jugnu meri tarik gali ke tum halqa-e-mahtab se bahar nahin nikle kuchh shauq jo aankhon se chhalakte hain abhi tak kuchh khauf jo aasab se bahar nahin nikle