Apne Pahad Gair Ke....

Apne Pahad Gair Ke Guljar Ho Gaye
Ve Bhi Hamari Raah Ki Diwar Ho Gaye

Fal Pak Chuka Hai Shakh Par Garmi Ki Dhup Men
Hum Apne Dil Ki Aag Men Taiyar Ho Gaye

Ham Pahle Narm Patton Ki Ek Shakh The Magar
Kate Gaye Hain Itne Ki Talwar Ho Gaye

Bajar Men Biki Hui Chijon Ki Maag Hai
Hum Is Liye Khaud Apne Kharidar Ho Gaye

Taja Lahu Bhara Tha Sunahre Gulab Men
Inkar Karne Wale Gunahgaar Ho Gaye

Vo Sarkashon Ke Paav Ki Janjir The Kabhi

Ab Bujadilon Ke Hath Me Talwar Ho Gaye