badan mein awwalin ehsas hai takanon ka

badan mein awwalin ehsas hai takanon ka
rafiq chhut gaya hai kahin udanon ka

hisar-e-khwab mein aanhken panah leti hui
ajab khumar sa mahaul mein azanon ka

charagh-e-subh si bujhne lagin meri aanhken
jab intishaar na dekha gaya gharanon ka

aman kahte hain jis ko bas ek tasawwur hai
ki yun thahar sa gaya waqt imtihanon ka

jo us ke honton ki jumbish mein qaid tha 'ashhar'
wo ek lafz bana bojh mere shanon ka


This is a great aman punjabi shayari. True lovers of khuda ki panah shayari will love this. Please share if you liked this!!!