bala se khalq ho be-dard ishq kya gham hai jarahat-e-dil-e-mahzun ka dard marham hai jahan mein gham se kui ishrat-kada nahin khali hai shama bazm mein giryan chaman mein shabnam hai hun aab-dida main nargis pe dekh kar shabnam ki aah chashm ki surat bhi ashk se nam hai rakhe hai lutf shabistan-e-bazm-e-munim lek swad-e-sham-e-ghariban ka aur aalam hai gulon ka chaak gareban hain bulbulen nalan chaman mein 'ishq' khuda jaane kis ka matam hai