band aankhon se na husn-e-shab ka andaza laga

band aankhon se na husn-e-shab ka andaza laga
mahmil-e-dil se nikal sar ko hawa taza laga

dekh rah jae na tu khwahish ke gumbad mein asir
ghar banata hai to sab se pahle darwaza laga

han samundar mein utar lekin ubharne ki bhi soch
dubne se pahle gahrai ka andaza laga

har taraf se aaega teri sadaon ka jawab
chup ke changul se nikal aur ek aawaza laga

sar utha kar chalne ki ab yaad bhi baqi nahin
mere jhukne se meri zillat ka andaza laga

lafz mani se gurezan hain to un mein rang bhar
chehra hai be-nur to us par koi ghaza laga

aaj phir wo aate aate rah gaya aur aaj phir
sar-ba-sar bikhra hua hasti ka shiraaza laga

rahm kha kar 'arsh' us ne is taraf dekha magar
ye bhi dil de baithne ka mujh ko khamyaza laga


This is a great ghazal shayari fb. Please share if you liked this!!!
2020-06-05 07:47:31 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close