bane-banae se raston ka silsila nikla naya safar bhi bahut hi gurez-pa nikla na jaane kis ki hamein umr bhar talash rahi jise qarib se dekha wo dusra nikla hamein to ras na aai kisi ki mahfil bhi koi khuda koi ham-saya-e-khuda nikla hazar tarah ki mai pi hazar tarah ke zahr na pyas hi bujhi apni na hausla nikla hamare pas se guzri thi ek parchhain pukara hum ne to sadiyon ka fasla nikla ab apne-ap ko dhunden kahan kahan ja kar adam se ta-ba-adam apna naqsh-e-pa nikla