bas tere panw ki kami tha main jaane kis shahr ki gali tha main mere upar thin sab ki aankhen aur sab ki aankhon mein ajnabi tha main ek ta'alluq tha us pari-wash se aankh us ki thi raushni tha main din dhale log rone aate the dukh ki basti mein ek nadi tha main mar raha hun to yaad aata hai jaane kitnon ki zindagi tha main wo to mar kar khula ki tum bhi ho zindagi mein to bas main hi tha main jo na guzre wo ek pal thi tum jo guzar jae wo ghadi tha main ghar bhi sar par uthae phirta tha kitna masum hijrati tha main