chaman ko phul watan ko nai bahaar mile

chaman ko phul watan ko nai bahaar mile
hamein bhi daman-e-sad-chaak-o-tar-tar mile
khizan mein hum ne bahaaron ke git gae the
hamein bahaar-e-gulistan pe ikhtiyar mile


yahi hai aamad-e-fasl-e-bahaar ka hasil
tamam phul gulistan mein dil-figar mile
jinhen ghurur tha duniya mein kaj-kulahi ka
faraaz-e-dar pe hum ko wo tajdar mile


'shabana' hum bhi dikhaen kamal-e-sher agar
zaban-e-urdu ko mahaul sazgar mile