charagh-e-shauq jala kar kahan se jaana tha

charagh-e-shauq jala kar kahan se jaana tha
hamein to ho ke saf-e-dushmanan se jaana tha
ye dil ye shahr-e-wafa kab use pasand aaya
wo be-qarar tha us ko yahan se jaana tha
nazar mein rakkha nahin ek bhi sitara tera
ki khak-zad the hum aasman se jaana tha
kisi bahane sahi zindagi ka qarz utra
hamein to waise bhi ek roz jaan se jaana tha
nadi mein rah ke chatanon se darguzar karna
ye hum ne fitrat-e-mauj-e-rawan se jaana tha
This is a great pasand karna shayari. Please share if you liked this!!!