chashm-e-saqi agar salamat hai saghar-o-mai ki kya zarurat hai chaak daman hai aankh hai pur-nam kya yahi hasil-e-mohabbat hai ye gham-e-dil ye dard-e-tanhai mere mahbub ki inayat hai husn-e-maghrur kya pata tujh ko aashiqon ka wajud rahmat hai uljhanon aur zulf barham mein koi kya jaane kitni nisbat hai meri tauba ki aaj khair nahin har ada husn ki qayamat hai wo na aae to un ki yaad aai ye bhi 'akhtar' bahut ghanimat hai