dasht-e-tanhai mein kal raat hawa kaisi thi der tak tutte lamhon ki sada kaisi thi zindagi ne mera pichha nahin chhoda ab tak umr bhar sar se na utri ye bala kaisi thi sunte rahte the mohabbat ke fasane kya kya bund bhar dil pe na barsi ye ghata kaisi thi kya mila faisla-e-tark-e-talluq kar ke tum jo bichhde the to honton pe dua kaisi thi tut kar khud jo wo bikhra hai to malum hua jis se lipta tha wo diwar-e-ana kaisi thi jism se noch ke phenki bhi to khushbu na gai ye riwayat ki bosida qaba kaisi thi dubte waqt bhanwar puchh raha hai 'qaisar' jab kinare se chale the to faza kaisi thi
This is a great bichde dost ki shayari. Please share if you liked this!!!