dil ke bahlane ki tadbir to hai tu nahin hai teri taswir to hai ham-safar chhod gae mujh ko to kya sath mere meri taqdir to hai qaid se chhut ke bhi kya paya aaj bhi panw mein zanjir to hai kya majal un ki na den khat ka jawab baat kuchh bais-e-takhir to hai pursish-e-haal ko wo aa hi gae kuchh bhi ho ishq mein tasir to hai gham ki duniya rahe aabaad 'shakil' muflisi mein koi jagir to hai
Please share if you liked this!!!