dil mein kisi ko rakkho dil mein raho kisi ke
sikho abhi saliqe kuchh roz dilbari ke

furqat mein ashk-e-hasrat hum kya baha rahen hain
taqdir ro rahi hai parde mein bekasi ke

aae agar qayamat to dhajjiyan uda den
phirte hain justuju mein fitne teri gali ke

de kar mujhe tasalli bechain kar rahe ho
hanste ho wada kar ke qurban is hansi ke

ye hazrat-e-rasa bhi diwane ho gae hain
chakkar laga rahe hain ek shokh ki gali ke