dil ne kya kya tere jaane pe duhai nahin di
shor itna tha ki aawaz sunai nahin di

tujh se bichhde the ki phir sainkadon dil tod diye
bad-hawasi mein koi rah sujhai nahin di

tu ne us shakhs se milna tha to mujh se kahta
phul dekha hai faqat khushbu dikhai nahin di

lamha lamha wo dua ban ke mere sath raha
jaane wale ne kabhi mujh ko judai nahin di

aakhiri war mohabbat pe kiya tha us ne
aakhiri bar use main ne safai nahin di

wo kisi aur ka ho ke bhi mujhe milta raha
us ne darwaza khula chhoda rihai nahin di