dur se aati sada par raqsan
panw mere hain saba par raqsan

us ka aata hai andhere mein khayal
bijliyan jaise ghata par raqsan

tez aandhi mein hawadis ki hum
sukhe patte hain hawa par raqsan

mere pindar ke mismar mahal
main hun ab un ki bina par raqsan

khun aaluda mere panw hain
aur main apni ana par raqsan

'shahla' us rahguzar-e-shauq pe chal
us ke naqsh-e-kaf-e-pa par raqsan