gham yun din-raat ka dastur nahin tha us waqt
main kisi ranj se mazur nahin tha us waqt

mere baalon mein bhi us waqt safedi nahin thi
mang mein teri bhi sindur nahin tha us waqt

tu bhi tab ghar ke masail se pareshan na thi
main bhi haalat se majbur nahin tha us waqt

kitne be-khauf the tera bhi bahut nam na tha
main bhi is shahr mein mashhur nahin tha us waqt

kore alfaz the sheron mein maani hi na the
meri ghazlon mein tera nur nahin tha us waqt