giraftari ke sab harbe shikari le ke nikla hai parinda bhi shikari ki supari le ke nikla hai nikalne wala ye kaisi sawari le ke nikla hai madari jaise sanpon ki pitari le ke nikla hai bahar-qimat wafadari hi sari le ke nikla hai hatheli par agar wo jaan pyari le ke nikla hai safari suit mein tata safari le ke nikla hai wo lekin zehn o dil par bojh bhaari le ke nikla hai yaqinan hijraton ki jaankari le ke nikla hai agar apne hi ghar se be-qarari le ke nikla hai khilaune ki tadap mein khud khilauna wo na ban jae mera bachcha sadak par rezgari le ke nikla hai agar duniya bhi mil jae rahega hath phailae ajab kashkol duniya ka bhikari le ke nikla hai khata-kari meri ummid-war-e-daman-e-rahmat magar mufti to quran o bukhari le ke nikla hai jhalakta hai mizaj-e-shahryari har bun-e-mu se ba-zahir 'khair' harf-e-khaksari le ke nikla hai