har chiz hai mahw-e-KHud-numai

har chiz hai mahw-e-khud-numai
har zarra shahid-e-kibriyai

be-zauq-e-numud zindagi maut
tamir-e-khudi mein hai khudai

rai zor-e-khudi se parbat
parbat zof-e-khudi se rai

tare aawara o kam-amez
taqdir-e-wajud hai judai

ye pichhle pahar ka zard-ru chand
be-raaz o niyaz-e-ashnai

teri qindil hai tera dil
tu aap hai apni raushnai

ek tu hai ki haq hai is jahan mein
baqi hai numud-e-simyai

hain uqda-kusha ye khar-e-sahra
kam kar gila-e-barhana-pai


This is a great shayari shahid jawan in hindi. Please share if you liked this!!!