har lamha agar gurez-pa hai

har lamha agar gurez-pa hai
tu kyun mere dil mein bas gaya hai

chilman mein gulab sambhal raha hai
ye tu hai ki shokhi-e-saba hai

jhukti nazren bata rahi hain
mere liye tu bhi sochta hai

main tere kahe se chup hun lekin
chup bhi tu bayan-e-muddaa hai

har des ki apni apni boli
sahra ka sukut bhi sada hai

ek umr ke baad muskura kar
tu ne to mujhe rula diya hai

us waqt ka hisab kya dun
jo tere baghair kat gaya hai

mazi ki sunaun kya kahani
lamha lamha guzar gaya hai

mat mang duaen jab mohabbat
tera mera muamla hai

ab tujh se jo rabt hai to itna
tera hi khuda mera khuda hai

rone ko ab ashk bhi nahin hain
ya ishq ko sabr aa gaya hai

ab kis ki talash mein hain jhonke
main ne to diya bujha diya hai

kuchh khel nahin hai ishq karna
ye zindagi bhar ka rat-jaga hai


Please share if you liked this!!!

Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close