harim-e-husn se aankhon ke rabte rakhna tamam umr tahayyur ke dar khule rakhna hisar-e-aina-o-khwab se nikalne tak shikast-e-zat ka manzar sambhaal ke rakhna ye bargah-e-mohabbat hai meri khalwat hai mere harif qadam ehtiyat se rakhna faraaz-e-koh-e-shab-e-gham se dekhna hai use mere khuda meri qismat mein rat-jage rakhna gira diya jise ek bar apni nazron se phir us ko khwab ki had se bhi kuchh pare rakhna