hazin tum apni kabhi waza bhi sanwaroge qamis khud hi giregi to phir utaroge khala-nawardo bahut zarre intizar mein hain jahaz kaun sa patal mein utaroge utar ke niche kabhi mere sath bhi to chalo buland khidkiyon se kab talak pukaroge wo waqt aaega ai mere apne sang-zanon mahakte phulon ke gajre bhi mujh pe waroge nikal rahi hai agar tirgi to kya tum log sahar ke waqt charaghon ki lau ubhaaroge tumhein qalam ko lahu mein dubona aata hai 'hazin' zarur tumhi sher ko nikhaaroge