hua jo waqf-e-gham wo dil kisi ka ho nahin sakta
tumhaara ban nahin sakta hamara ho nahin sakta

suna pahle to khwab-e-wasl phir irshad farmaya
tere ruswa kiye se koi ruswa ho nahin sakta

lagawat us ki nazron mein banawat us ki baaton mein
sahaara mit nahin sakta bharosa ho nahin sakta

tamanna mein teri mit jae dil han ye to mumkin hai
mere dil se mite teri tamanna ho nahin sakta

na fursat hai na rahat hai na 'bekhud' wo tabiat hai
ghazal kya khak likkhen sher achchha ho nahin sakta