hum ko mita sake ye zamane mein dam nahin hum se zamana khud hai zamane se hum nahin be-faeda alam nahin bekar gham nahin taufiq de khuda to ye nemat bhi kam nahin meri zaban pe shikwa-e-ahl-e-sitam nahin mujh ko jaga diya yahi ehsan kam nahin ya rab hujum-e-dard ko de aur wusaten daman to kya abhi meri aankhen bhi nam nahin shikwa to ek chhed hai lekin haqiqatan tera sitam bhi teri inayat se kam nahin ab ishq us maqam pe hai justuju-naward saya nahin jahan koi naqsh-e-qadam nahin milta hai kyun maza sitam-e-rozgar mein tera karam bhi khud jo sharik-e-sitam nahin marg-e-'jigar' pe kyun teri aankhen hain ashk-rez ek saneha sahi magar itna aham nahin
This is a great bekar dost shayari. Please share if you liked this!!!